Fillimi | Intervista | Kim Mehmeti: Qeveria e Gruevskit është "Qeveri fashizoide"

Kim Mehmeti: Qeveria e Gruevskit është "Qeveri fashizoide"

Madhësia: Decrease font Enlarge font
image

 

Analisti dhe publicisti  Kim Mehmeti në intervistën dhënë për Lajm Kosovë, në lidhje me incidentet e fundit në Maqedoni ka fajësuar shërbimin sekret serb që vepron atje si shkaktarin kryesor të këtyre ngjarjeve.

Mehmeti thotë se Maqedonia ende ka mbetur “filiali” politik më besnik i Beogradit dhe “ara” më pjellore ku Beogradi mbolli farën antishqiptare. Sipas tij, nuk është asgjë e re nëse thua se Maqedonia është “Kazablanka” e Ballkanit ku shërbimet sekrete serbe veprojnë si pronar të këtij shteti.

Ai i quan institucionet maqedonase shërbëtore të partive që mbrojnë interesat partiake në pushtet e jo interesat e shtetit. Mehmeti vlerëson që, bazuar edhe në përvojën e kaluar, sa herë që Maqedonia ka dashur të mbulojë ndonjë problem të brendshëm, apo sa herë ka dashur të alarmojë botën se është e rrezikuar, qëllimi ka qenë që të përfitojë nga organizatat e ndryshme ndërkombëtare.

Sipas tij, edhe marrëveshja e Ohrit është shkelur qysh moti, dhe ka vite që shërben si “adresë” pa numër nëpërmjet të cilës të huajt e identifikojnë Maqedoninë e shqiptarëve të atjeshëm dhe ua kujton shpresën e kotë se do mund të bëhen bashkësundues të atij vendi.

“Lajm”: z. Mehmeti, ditëve të fundit kanë ndodhur disa incidente ndëretnike në Maqedoni, si i shihni ju këto incidente?

Mehmeti: Qeveria fashizoide e Gruevskit e zhyti Maqedoninë në baltën ngjitëse të antishqiptarisë dhe urrejtjeve ndëretnike. Këtë e arriti sa nëpërmjet objekteve që ndërtojnë nga e para të kaluarën e munguar të etnitetit maqedonas dhe shkatërrojnë të ardhmen e shtetit – si për shembull projekti “Shkupi 2014”, po aq edhe nëpërmjet projekteve antishqiptare – si për shembull “Enciklopedia” dhe librat shkollorë ku ofendohet dhe përbuzen shqiptarët. Shkurt, nga të gjitha përmendoret që ndërtoi qeveria e Gruevskit, e ku bëjnë pjesë edhe përfaqësues shqiptarë, më e larta është “përmendorja” e antishqiptarisë dhe e ndasive etnike.

“Lajm”: A kanë ndonjë prapavijë politike këto incidente dhe a do të mund të shkaktojnë destabilizim të situatës atje?

Mehmeti: Përvoja e deritanishme tregon se sa herë që Maqedonia ka dashur të mbulojë ndonjë problem të brendshëm, apo sa herë që ka dashur ta alarmojë botën se është e rrezikuar – duke dashur kështu të përfitojë nga organizatat ndërkombëtare – ka nxitur kaos të kontrolluar ndëretnik, ku shqiptarët kanë qenë “fajtori kujdestar”. Andaj këto incidente ndëretnike mund të shihen edhe si orvatje të mbulohet dhe të relativizohet vrasja e dyfishtë në Gostivar nga ana e një polici maqedonas, pastaj edhe në funksion të ndërrimit të emrit të Maqedonisë. Këto incidente, nëse nuk janë të inskenuara nga vetë qeveria aktuale, atëherë gjithsesi se janë produkt i një politike fashizoide qeveritare, e cila thuajse nganjëherë në muaj i provokon shqiptarët e këtushëm. Personalisht mendoj se këto incidente kanë për qëllim edhe pastrimin e shqiptarëve nga disa lagje të Shkupit, ku ata janë pakicë. Siç duket, Gruevski ka vendosur ta realizojë projektin e dikurshëm të Akademisë së Shkencave të Maqedonisë për ndarjen e Maqedonisë në baza etnike. Dhe, jo rastësisht, Shkupi është në epiqendër të kësaj ndarjeje, ngaqë ai që e kontrollon Shkupin, atij i takon e tërë Maqedonia.

“Lajm”: Çfarë po bëjnë institucionet atje për qetësimin e situatës dhe cili është bashkëpunimi i partnerëve të koalicionit qeverisës rreth tejkalimit të incidenteve ndëretnike?

Mehmeti: Për fat të keq, Maqedonia nuk ka institucione shtetërore por partiake. Si të tilla, këto institucione mbrojnë interesat e partive në pushtet, e jo të shtetit. Qytetarët e Maqedonisë, përfshirë edhe shqiptarët, nuk i takojnë shtetit, por pushtetit. Në këtë shtet “nuk ka popull”, po ka votues që janë pronë e partive. Andaj edhe partitë e këtushme shqiptare, u mjaftuan me atë të jenë pjesë e pushtetit, e jo të kenë në duar shtetin. Me çka u bënë shërbëtore të dëgjueshme të sunduesit maqedonas. Kështu që tani ke përshtypjen se qeveritarët shqiptarë më shumë janë të angazhuar ta mbrojnë Gruevskin nga shqiptarët, se sa shqiptarët nga qeveria antishqiptare e Gruevskit. Më në fund, pushtetarët shqiptarë – duke pranuar pozitën e tyre të vasalit, as që kanë ndonjë ndikim në qarqet e vendimmarrjes. Ata kanë vetëm një rol: ta bëjnë të padukshme pakënaqësinë e shqiptarëve të këtushëm me çka, mbase pa vetëdije, bëhen mbulesë e antishqiptarisë së Gruevskit.

“Lajm”: A mendoni se edhe Serbia mund të ketë gisht në këto incidente?

Mehmeti: Maqedonia ishte dhe mbeti “filiali” politik më besnik i Beogradit. Maqedonia ishte dhe mbeti “ara” më pjellore ku Beogradi mbolli farën e antishqiptarisë. Pastaj nuk është asgjë e re nëse thua se Maqedonia është “Kazablanka” e Ballkanit, ku shërbimet sekrete serbe veprojnë si pronarë të këtij shteti. Edhe sot e kësaj dite në Maqedoni, më të fuqishme janë qarqet që deri në fund i mbetën besnik Millosheviqit, gjë që mund ta shihni shumë hapur në mediat e këtushme maqedonase. Politikën e këtij shteti ende e përcaktojnë gazetarët që hapur shprehin antishqiptarinë e tyre dhe këtë e bëjnë ngaqë e dinë se këtu antishqiptaria shpërblehet e nuk dënohet. Nuk dënohet ngaqë shumë institucione të këtij shteti janë në duart e qarqeve që marrin pagë mujore në Maqedoni por i shërbejnë Serbisë.

“Lajm”: Me këto incidente ndëretnike, a po shkelet marrëveshja e Ohrit dhe cila palë nuk po e respekton?

Mehmeti: Marrëveshja e Ohrit është shkelur shumë më parë. Ajo ka vite që shërben si “adresë” pa numër nëpërmjet të cilës të huajt e identifikojnë Maqedoninë e shqiptarëve të këtushëm, ua kujton shpresën e kotë se do mund të bëhen bashkësundues të këtij vendi. Marrëveshjen e Ohrit e shkelën të gjithë, përfshi edhe partitë shqiptare, të cilat atë e kuptuan si “deklaratë” për punësimin e partizanëve të tyre partiakë dhe si dokument që u mundëson të marrin një përqindje nga tenderët që i ndanë qeveria. Kështu që shqiptarët e këtushëm mbeten “njëzetpërqindëshi” kushtetues, që u mundëson shumë pushtetarëve shqiptarë të përfitojnë “10 përqindëshin” nga ata pak tenderë që ua ndan Gruevski si pagesë për dëgjueshmërinë dhe si shpërblim për ngulfatjen e frustrimeve të shqiptarëve të këtushëm.

Interviste dhene per Lajm Kosove

 



Komente (0 dërguar):

Dërgoni komentin comment

Shkruani kodin e fotos:

  • email Email mikut
  • print Verzioni print
  • Plain text Tekst i thjeshtë
Tag
Ska asnjë tag
Votoni këtë tekst
5.00
Tjera nga Intervista
Previous
image
Intervista/ Kim Mehmeti patriot, nacionalist apo kozmopolit?
Intervista “START 19+1” - Nga: Artan Dokuzi / Eno Shkëmbi Në intervistën “Start 19+1” vjen Kim Mehmeti, publicisti dhe shkrimtari i njohur shqiptar nga Maqedonia. E ...
image
"Shqipëritë" e Kim Mehmetit
I njohur si një njeri që nuk ka qime në gjuhë, Kim Mehmeti ka nisur të quajë Shqipërinë, Kosovën e Maqedoninë në një emër “Shqipëritë ...
image
Kim Mehmeti: Na shpallin "masha" të Cërvenkovskit, ata që janë dorë e zgjatur e Gruevskit!
Kim Mehmeti, shkrimtari shqiptar nga Maqedonia në një intervistë ekskluzive për shqiptarja.com, jep një panoramë sipas mendimit të tij për shqiptarët e Maqedonisë, Shqipërisë, Kosovës, ...
image
Kim Mehmeti: Të gjithë ne jemi “kriminelë kujdestarë”!
Kështu siç sillet policia, çdo shtëpi tonën mund ta shpall “çerdhe terroriste islamike”, e të sjell aty dëshmitë që i mungojnë për të na shpallur ...
image
Kim Mehmeti: Qeveria e Gruevskit është "Qeveri fashizoide"
  Analisti dhe publicisti  Kim Mehmeti në intervistën dhënë për Lajm Kosovë, në lidhje me incidentet e fundit në Maqedoni ka fajësuar shërbimin sekret serb që ...
image
Kim Mehmeti: Nëse vazhdon kësaj rruge Maqedonia do të zhbëhet
Përndryshe, këtë shtet asgjë nuk do mund ta shpëtojë. Jo pse nga dita në ditë shtohet frustrimi i shqiptarëve të këtushëm, por ngaqë nga dita në ditë rritet numri i maqedonasve që mendojnë se forca e tyre është proporcionale me lartësinë e përmendoret që ua ndërton qeveria e Gruevskit, i cili assesi ta lexojë drejtë heshtjen e sotme të shqiptarëve të këtushëm, heshtje që nuk është e barabartë me dëgjueshmërinë e shqiptarëve që i ka në qeveri, thotë Kim Mehmeti. Më poshtë e keni intervistën e plotë të shkrimtarit dhe publicistit të njohur shqiptarë Kim Mehmeti....
image
Marrëdhëniet ndëretnike - problem madhor
Problemi më madhor i Maqedonisë janë marrëdhëniet ndëretnike… Maqedonia ndërtohet sipas formulave të ish-Jugosllavisë, ku kemi marrëdhënie të mira mes elitave politike multi-etnike, mirëpo poshtë ...
image
Kim Mehmeti: Fëmijëria ime si “katundar” përballë zorraxhinjve të Shkupit
Njeriu vetëm si i mitur e sheh botën dhe e përjeton atë të atillë siç është. Më vonë, çdo gjë nga pakë është manipulim, përshtatje, çdo gjë është nga pakë orvatje të jesh i pranuar nga të tjerët, të jesh i tillë siç duan të të shohin ata që të duan, e jo ai që je. Duke qenë fëmijëria forma më burimore e përjetimit të jetës, duke qenë fëmijëria përjetimi më njerëzorë i kësaj bote, ajo mbetet edhe pjesa më e freskët, më e vlefshme e jetës sonë, e të cilën gjithmonë e kujtojmë me mall dhe duam t’i rikthehemi, gjë që është e pamundur.... Kim Mehmeti, ka këtë koncept për fëmijërinë në përgjithësi...Por ditët e fëmijërisë së tij janë mjaft të veçanta, përjetimet po ashtu. Edhe kjo intervistë e ciklit të gjatë me rrëfime shkrimtarësh nga fëmijëria e tyre...është një intervistë e rrallë, jo aq për faktet, sa për këndvështrimet interesante dhe stilin e rrallë të të rrëfyerit. Le ta ndjekim... ...
image
Po të mos isha shkrimtar, do të isha i pasur!
  Prej sot gazeta “Lajm” do të fillojë rubrikën e rregullt “Çka do të isha, po të mos isha...”. Personalitete të njohura të jetës politike, kulturore, ...
image
Kim Mehmeti: Si e mbaj mend Shqipërinë e vitit 1991 dhe pse m'u dhimbs më 1997
Intervistoi gazetarja Fatmira Nikolli Kimi na rrëfehet ngadalë. Ka një botë të tërë në vetvete e kujtime pa fund. Nis të kujtohet për fëmijërinë kur kënaqej ...
image
Pushteti sillet si vjedhësi që bërtet: kapeni hajdutin!
“Politikani që vlerë dhe forcë të vetmen ka emblemën partiake dhe atë të institucionit që drejton, i ngjanë derrit që majmet në baltën e ngrohtë politike, e ku ushqehet me krimbat e shtetit që kalbet. Qeveria e Gruevskit është e përbërë nga qeveritarë shqiptarë e maqedonas, shumica e të cilëve vështirë se kanë guxuar të ëndërrojnë ndonjëherë se do bëhen plak katundi, e jo më drejtues shteti”, thotë shkrimtari Kim Mehmeti në një intervistë ekskluzive për gazetën “Koha e Re”...
image
Viti 2011 për shqiptarët do të jetë më i keq se viti 2010
Edhe gjatë vitit 2010 Kim Mehmeti me kolumnat e tij të rregullta u veçua ndër kronikët më të mirë të aktualitetit shqiptar jo vetëm në Maqedoni por edhe në rajon. Prandaj mendojmë se kemi bërë zgjedhjen e qëlluar të personit i cili në fund të vitit 2010 mund të flasë për atë se çka mund të na presë vitin e ardhshëm....
image
Mirupafshim deri në provokimin e radhës...
Më ndihmon intuitae shkrimtarit dhe nuk dua të merrem me komentimin e asaj që ndodh. Dua të paralajmëroj atë që do të ndodhë". Me këto fjalë shprehet shkrimtari Kim Mehmeti për publicistikën e përmbledhur në librin e tij "Farë e bimës së keqe", promovuar dje në Tiranë e botuar nga "Toena". Në këtë intervistë, përveç një përshkrimi të veprës, autori i një sërë librash flet edhe për problemet që shqetësojnë shqiptarët në shtetin fqinj, por tregon edhe për karakterin "profetik" të shkrimeve të tij. Si një zë që del hapur kundër ofendimit të shqiptarëve, Mehmeti tregon pozicionin e vet edhe si shkrimtar që shkruan edhe në shqip, edhe në maqedonisht, shpreh lodhjen që ndjejnë qytetarët në pritje që maqedonasit të sqarojnë dilemat e tyre. Teksa komenton lëvizjet politike, sipas tij të gabuara të partisë shqiptare në Maqedoni, BDI, për sa i përket "Enciklopedisë filmike" të sapobotuar dhe cilësimit në të të Bekim Fehmiut si maqedonas, Mehmeti thotë se "një popull që vjedh, është i mjerë".....
image
Kim Mehmeti: Maqedonia po na shpall luftë hapur
Në enciklopedinë maqedonase thuhet se shqiptarët janë ardhacakë dhe si të tillë, ne duhet të çlirohemi nga ata. Ky botim fton në luftë. Duhet t'iu djegësh akademinë, duhet t'u thuash të mos luajnë me zjarr, se do të digjen. Ata po na provokojnë, dhe kjo do të thotë që na konsiderojnë si armiq, dhe ne duhet të sillemi si armiq. Në mos tjetër, iu duhet treguar vendi". ...
image
Kim Mehmeti: Nuk na ndodh asgjë e pamerituar
Kim Mehmeti është nga ata intelektualë shqiptarë që interesat kombëtare i artikulon me ndjeshmëri jo nacionale, por me shprehitë e familjes së tij, gjuhës dhe kulturës. Sa për Ballkanin, pse ai është sot temë ekzotike për intelektualët e tjerë dhe për atë vetë, si dhe një “Piter Pan i vështirë” për evropianët një ditë më parë në festivalin ndërkombëtar të poezisë, Mehmeti zbulon jo vetëm kompleksin e sotëm për këtë temë, por dhe prirjet për ta çmitizuar këtë debat. Ekskluzivisht për “standard”, Kim Mehmeti rrëfen pse duhet të kemi jetë të brendshme kombëtare, sidomos kulturore. ...
Next