Fillimi | Analiza | Doni të na njihni!

Doni të na njihni!

Madhësia: Decrease font Enlarge font
image

Mbase ka ardhur koha kur shqiptarët e Maqedonisë do kenë gjithnjë e më shumë hapësirë që mëmëdheut t‘i rrëfejnë për vetveten. Dhe jo pse këtë ua mundësoi shteti ku jetojnë, apo pse u ndihmoi për këtë Tirana dhe Prishtina, por se lindi Tani i Topit, i cili investoi pasurinë e vet që shqiptarëve të këtushëm t‘u mundësojë vetë të rrëfejnë se kush janë. Dhe të dëshmojnë se jetojnë sipas bindjes se ai që nuk di të kujdeset për familjen e vet, nuk ka pse habitet kur e nënçmojnë të tjerët dhe s‘ka si të jetë i dobishëm për vendbanimin e përbashkët evropian dhe botëror. Pra, të dëshmojnë se e kanë kuptuar se duhet ta njohësh vetveten që të mund më lehtë të të njohin e t‘i njohësh të tjerët.

Shkruan: Kim MEHMETI

Shqiptarët e Maqedonisë  janë si fëmija që ka prindër të ndarë e i cili fëmijë bën çmos që mos ta humbë as dashurinë  e nënës - Shqipërisë, as atë të babit - Kosovës. Por njëkohësisht duke u kujdesur të jetë i respektuar në  familjen multietnike shtetërore të Maqedonisë, ku ka bashkuar me të tjerët pronën e trashëguar nga prindërit e vet. Duke qenë i tillë, duke u përpëlitur mes dëshirës që prindërit të mos e harrojnë dhe duke u orvatur që bashkështetasit me të cilët bashkëjeton të mos e përbuzin, ashtu siç ndodh në këtë Ballkan me fëmijën e ndarë nga prindërit, shqiptarët e këtushëm shpesh vuajnë mallin për prindërit dhe duan ta dinë se ç‘mendon për ta mëmëdhe Shqipëria dhe atdhe Kosova. Dhe kuptohet, nuk ndjehen mirë kur Tirana e Prishtina dëgjojnë vetëm vajin e tyre, kur Shqipëria e Kosova interesohen për ta vetëm kur ndodh ndonjë Brodec ku vriten dhe burgosen shqiptarë të pafajshëm, apo kur botohet ndonjë Enciklopedi ku përbuzet çdo gjë shqiptare.  
Andaj, për shqiptarët e Maqedonisë mund të thuhet se ata janë një pjesë e popullit tonë, që bën çmos ta mbrojë vetveten në shtetin ku jeton, e ku jo rrallëherë përballet me urrejtjen e qendrave sllave, dhe njëkohësisht mundohet t‘ia dalë në krye me mendjemadhësinë e Prishtinës që mendon se shqiptarët e këtushëm janë një grup vajtuesish që nuk dinë t‘i dalin zot vetvetes dhe arrogancës së Tiranës, e cila mendon se matanë Qafë-Thanës jeton pjesa injorante e popullit shqiptar, ajo pjesë e kombit që nuk di të lexojë kalendarin e shekullit të ri.

Cili është portreti i vërtetë i shqiptarëve të Maqedonisë?  

Mbase ai portret është  i njëjtë me atë të shqiptarëve në hapësirat e tjera ku jeton populli ynë. Pra, edhe shqiptarët e këtushëm janë  nevrikë, njësoj si ata të Shqipërisë, e të cilët kur vozisin, njësoj i nevrikos edhe rruga monotone pa kthesa, si edhe ajo që ngjitet maleve e të bën të ndjehesh thuajse të sillesh rreth vetvetes. Shqiptarët e këtushëm, njësoj si ata të Shqipërisë, xhindosen kur ua shan liderin e adhuruar partiak, thuajse ua ke sharë mamanë. Por, kur bëhet fjalë për përcaktimet partiake, përpos liderin e tyre të dashur vendor, ata kanë edhe nga një të adhuruar në Tiranë e Prishtinë. Andaj, nëse u ka ftuar në drekë ndonjë shqiptar i këtushëm, para se të uleni të drekoni, informohuni mirë se cili është i preferuari i tij, Berisha apo Rama, Hashim Thaçi apo Ramush Hajredinaj, sepse mund të ndodhë ta paguani drekën vetë nëse do ofendoni liderin e dashur të tij në Tiranë apo Prishtinë. Pra, duhet të mbani llogari se shqiptari i këtushëm jeton në trininë e vet partiake dhe ka edhe partinë e vet të preferuar në dy shtetet shqiptare. Kështu që shqiptari i Maqedonisë, me të njëjtën zjarrmi përjeton zgjedhjet e këtushme dhe ato që mbahen në Prishtinë e Tiranë dhe shpeshherë, i mllefosur nga parregullsitë zgjedhore që ndodhin atje dhe këtu, ngushëllohet me atë se edhe këto parregullsi vetëm dëshmojnë sa jemi të njëjtë, se çdokund ku votojnë shqiptarët, vlen i njëjti rregull: nuk janë të rëndësishëm votuesit, por numëruesit e votave.  

Dhe shqiptarët e Maqedonisë mburren me këtë trini partiake që u ka rënë në hise ta jetojnë. Por mbi të gjitha ata mburren me trininë religjioze që ka populli i tyre. Andaj ata i ofendon rëndë kur debatues të ndryshëm nga Tiranë, shqiptarët e këtushëm i shohin si njerëz që edhe kokën e kanë në formë të minares së xhamive. I ofendon kjo, sepse ata e duan fenë myslimane që dominon te shqiptarët e këtushëm, por ata mburrshëm e bartin në qenien e vet edhe ylberin trengjyrësh të religjioneve që ka populli i tyre. Duke qenë të tillë, ata e dinë pse nuk u pëlqen shtëpia përkujtimore që qeveria e këtushme ia ndërtoi shenjtores Nënë Tereza, e të cilën shtëpi disa në Tiranë e marrin si shenjë nderimi të shtetit maqedonas ndaj shenjtores sonë.  

Ata pra e dinë  pse ky shtet nuk e rindërtoi shtëpinë e lindjes së Nënë Terezës mbi themelet ku ajo ka qenë, por e zhvendosi atje ku dikur ka qëndruar kisha katolike ku Gonxhja e re i ishte përkulur Zotit. Pra shqiptarët e këtushëm e dinë se shtëpia përkujtimore e shenjtores sonë u ndërtua aty ku ndodhet tani, vetëm që Shkupit t‘i shlyhen të gjitha shenjat e shqiptarisë, vetëm që përnjëherë të shlyhen tri shenja shqiptare të kryeqendrës së sotme të Maqedonisë, të humben gjurmët për prezencën e madhe të dikurshme të komunitetit katolik shqiptar, të cilët, në vitet ‘60 të shekullit të shkuar, u davaritën në Kroaci dhe atje humbën çdo gjë të vetën etnike. Njësoj siç humbën çdo gjë të vetën edhe qindra mijëra shqiptarë myslimanë që braktisën vendlindjen dhe u shpërngulën në Turqi, siç humbën gjuhën dhe përkatësinë etnike edhe ortodoksët shqiptarë nga Reka e Epërme në afërsi të Dibrës. Pra, shqiptarët e Maqedonisë u vunë në mbrojtje të shtëpisë së Nënë Terezës dhe kishës ku ajo ishte lutur, njësoj sa edhe të Burmali Xhamisë, sepse e dinë se trinia religjioze është begatia për të cilën të gjithë ia kanë zili.

Por dënesja e shqiptarëve të këtushëm për atë që u bë me shtëpinë  e Nënë Terezës dhe pronës së shqiptarëve të këtushëm, thuajse nuk u dëgjua në Tiranë e Prishtinë. Njësoj siç  nuk dëgjohet as zëri i tyre kur thonë se të këqijat që i ndodhin Shqipërisë dhe Kosovës ata i përjetojnë njësoj dhembshëm sa ato që u ndodhin këtu ku jetojnë. Mbase kjo dhembje vjen nga vetëdija se shtrirja e degëve varet nga forca e trungut kombëtar, se degët e trungut të lënduar shpejt veniten.
Shqiptarët e Maqedonisë e dinë se mëmëdheu ata nuk i njeh sa duhet. Andaj ndoshta do ishte mirë që televizionet e Tiranës të kishin nga një emision të llojit: "Njëqind leksione për fillestarët që nuk i njohin shqiptarët e Maqedonisë".  

Mbase kështu Tirana do e kuptonte pse shqiptarët hidhërohen kur në mediat e atjeshme dikush ata i quan maqedonas, mbase debatuesit e shumtë nëpër televizionet e mëmëdheut do e merrnin vesh se emërtimi "maqedonas" nuk përcakton përkatësinë shtetërore, por atë etnike, dhe se për këtë nuk janë fajtorë shqiptarët, por disa qarqe politike dhe shkencore maqedonase që besojnë se edhe qielli mbi Maqedoni, edhe toka mbi të cilën qëndron ky shtet, kanë përkatësinë e tyre etnike. Andaj shqiptarët e këtushëm hidhërohen kur disa opinionistë të Tiranës, e të cilët sa nuk i kërcejnë në gojë bashkëbiseduesit të ardhur nga Maqedonia, shesin kozmopolitizëm si të ishin në ndonjë treg perëndimor, e jo në këtë tregun ballkanas, ku çdonjëri do që brirët e dashit të t‘i shesë si të ishin qiri që të bën dritë.

Çka duan në të vërtetë shqiptarët e këtushëm t‘i tregojnë Tiranës arrogante? Mbase jo vetëm atë se qysh në mesditë ata e dinë se çka i ka thënë Rama Berishës në mëngjes, jo edhe atë se pa kaluar java e botimit ata e kanë në duar librin e cilitdo krijuesi në Tirana, por duan t‘ia përcjellin porosinë: mundohuni ta dëgjoni rrëfimin tonë se si dukemi, sepse kështu do e shihni më mirë se ç‘pamje ka portreti ynë grupor.  

Mbase ka ardhur koha kur shqiptarët e Maqedonisë do kenë gjithnjë e më shumë hapësirë që mëmëdheut t‘i rrëfejnë për vetveten. Dhe jo pse këtë ua mundësoi shteti ku jetojnë, apo pse u ndihmoi për këtë Tirana dhe Prishtina, por se lindi Tani i Topit, i cili investoi pasurinë e vet që shqiptarëve të këtushëm t‘u mundësojë vetë të rrëfejnë se kush janë. Dhe të dëshmojnë se jetojnë sipas bindjes se ai që nuk di të kujdeset për familjen e vet, nuk ka pse habitet kur e nënçmojnë të tjerët dhe s‘ka si të jetë i dobishëm për vendbanimin e përbashkët evropian dhe botëror. Pra, të dëshmojnë se e kanë kuptuar se duhet ta njohësh vetveten që të mund më lehtë të të njohin e t‘i njohësh të tjerët.  

Të dëshmojnë  se ata nuk janë ata që ngandonjëherë i mendon Tirana arrogante: nacionalromantikë të vonuar të shekullit të nëntëmbëdhjetë, por popull që jeton kalendarin e internetit, popull që e di se para se të bashkohesh me familjen evropiane, duhet të bashkosh familjen tënde të ngushtë kombëtare. Edhe atë jo duke prishur kufij shtetërorë, por duke i rrënuar muret mentale që na i vulosi ndasia disadekadëshe, muret që na pengojnë të shohim më qartë vetveten.

Komente (8 dërguar):

Velija më 09 October, 2009 12:39:58
avatar
I nderuari Kim Mehmeti,koheve te fundit si ne shkrimet e juaja,si ky i fundit po ashtu edhe ne disa debate televizive,e theksoni shpesh ate mrekullin e trinise religjoze tek shqiptaret,kjo eshte me se e vertet.Por,une personalisht mendoj se kjo vlere apo mrekulli nuk eshte shqiptare,jo se kete une nuk e dua qe te jete ashtau,po duhet te thene troc bre burre,nga vete fakti se shumica e shqiptarve qofte ne memedhe po edhe ne atedhe si dhe ne trojet tjera,shqiptaret jane apo nuk jane praktikues ato e konsideroj veten si muslimane.Pikerisht pra Islami eshte ai burim i kesaj vlere qe me te drejt ju e konsideroni si mrekulli.Argument per kete jane vete ajo pakic (pakeckuptime) shqiptare jomuslimane,qe vazhdimisht nuk eshte hera e pare qe ngacmohen ne nje drejtim qe askush nga shqiptaret nuk eshte i fokusuar ne ate ane,po ja qe dikush deshirone ta perhape kete urejtje ndershqiptare,por pa brenga se nuk do ndodhe kurr ajo qe deshirojn shpirtliget.Argument tjeter ne lidhje me kete vlere,qe une plotesisht dhe me bindje te plote ja m'eveshi Islamit madheshtor eshte ajo,edhe pse i takon te kaluares por eshte nje fakt historik,i nderuari Kim,se pikerisht kjo mrekulli ka qene evidente edhe ne zonen ku sot eshte me e pergjakura ne menyre me mizore-Lindja e Mesme,qe sot fatkeqesisht e kane te tjeret,dikur e kishin muslimanet ne dore.
Ne fund po e perfundoj me thenien e Faik Konices:"Nese nuk do ishte Islami tek shqiptaret,"shqiptaret" do ishin me ne numer por jo shqiptare...
Cdo respekt per cdo krishter shqiptar,por kujdes mos prekni aty ku nuk preket,jo qe kercenoheni nga ne po na dhimbeseni se luani me zjar e do digjeni!..
rufki loku më 09 October, 2009 11:56:08
avatar
o more KIM. femija sa ka lindur nuk din te flas.Sa vjet,kane kaluar aq afer e aq te ndar,pa ditur se qka ne shqiperi e q ka ne maqedoni.tani duke u rritur besoj do t na njeh edhe shqiperia ma mire.besoj vijne kohrat per te cilat flet.persh.
FreeComent më 10 October, 2009 03:26:45
avatar
Asnjehere nuk e kam kuptuar pse neve shqiptareve na pelqen aq shume te perzihemi ne punet e Zotit! Madje shkojme aq larg, sa i keshilojme te tjeret se mos digjen, per te mos thene i kercenojme. E harrojme se Zoti na e ka dhene mendjen dhe ndjenjat, t'i perjetojme dhe shpjegojme fenomenet sipas menyres sone unike, sic i kemi edhe shenjat e gishterinjeve - unik, nepermes te cilave secili nga ne e vulos ate qe e pret pas kesaj jete.
Asnjehere nuk e kam kuptuar dhe tashme as qe dua ta kuptoj pse shqiptaret kaq shume jane te prirur t'i shtremberojne te vertetat te cilat fshihen neper librat te shenjt dhe harrojne se aty fshihen te vertetat te cilat na rrine para syve, por mbase te cilat kurre sdo t'i zbulojme deri ne fund, sepse vetem NJE eshte ai qe i din te gjitha. Andaj, ta perfundoj kete koment me fjalet - puna eshte ibadet dhe nese eshte keshtu, secili le ta beje ate pune qe din ta beje me se miri - hoxhallaret te japin "ders" aty dhe aq sa ju takon, e te tjeret le ta thojne fjalen ashtu si e ndjejn dhe besojne, te bazuar ne parimet dhe botekuptimet e tyre.
Asnjehere nuk kam besuar dhe s'do te besoj se eshte besimtar i mire ai, i cili ia kujton panderpre zjarrin tjetrit, nga frika qe kete t'ia thote ne radhe te pare vetvetes. Sepse njerzit e ketij lloji, mendojne se mekatet shlyhen duke u falur nga 5 here ne dite, e harrojne se permes namazit permbushin vec nje nga shtyllat e Islamit. Harrojne se namazi te afron me xhehnetin, por haku ndaj tjetrit - mekati, te afrojne me te (xhehnetin), aq sa jane edhe toka e qielli afer!
Velija më 10 October, 2009 06:51:41
avatar
Eshte nje e drejt e pamohueshme qe cdo kush te mendoj ashtu si deshiron,por jo gjithkush e ka te drejt ne ate qe mendon.
Ti i nderuar "freeComent" po te theme haptas se nuk paske lidhje me leximin ne mes reshtave,une kur permendi zjarin dhe djegien nuk kam aluduar ne denimin e All-llahut ne Boten e Amshueshme,vertet ate me se miri e din vetem Ai,po qellimi me keto shprehje ishte plotesisht ne ate se me zjar kame aluduar ne injorancen,kurse ato qe ndodhen ne te vec se digjen,apo thjesht jane te vdekur pasi te tillet jane te vdekur edhe kur jane mbi toke.Une nuk e di se ciles kategori te grup moshave ju i takon,po ne baze te asaj qe ke shkruar kuptohet shume let.Hoxhallaret i deshironi te ligjerojne vetem brenda kater mureve,nje mbeturin tipike e sistemit monist qe fatkeqesisht ju e keni ne botkuptimin tuaj,qe si duket nuk deshironi t'u thote askush se ne kete qe mendoni,nuk keni te drejt apsolutisht.
Cilat te verteta po mendoni se shqiptaret po i shterberojn,si duket edhe ketu je prekur shume me sqarimin qe kam bere rrethe asaj qe Kimi e konsideron me te drejt si mrekulli, trinine religjoze,po eshte fakt se ajo eshte vler apsolutisht Islame jo shqiptare fatkeqesisht,kjo e vertet po te pengon ti e te duket shtreberim.
Liroheni i nderuar nga paragjykimet,steriotipet e se kaluares,duhet ta dini se populli yne pervec vlerave qe ka,poashtu ka edhe antivlera.Mjafte me vec me lavdata populli yne,populli yne...patrioti me i madhe eshte ai qe vazhdimisht vlerat qe ka i nguliten thelle ne qenien e tij dhe te popullit te ty,kurse parsore ka luftimin e antivlerave si ne vetvete po edhe ne bare shoqerin ku jeton,se nuk ekzistone popuj dhe njerez pa te meta.
Ne cdo gje qe thaush,mundohu qe para se te japesh opinion tend rrethe nje dukurie,te hulutosh se cila e vertet qendron pas saj,e jo te turesh ashtu me te degjuar,kam degjuar dhe po e them,kjo eshte e mete i nderuar nese e kupton.Ta duash Gonxhe Bojaxhiun dhe ta pranojsh si vler si pjese tenden,hulumto se cila e vertet qendron pas saj,mos keckuptohemi po e mora kete si shembull.Fundja te jeshe praktikues i perpikte i rregullave fetare ne rastin konkret Islame dhe te mos kesh njohuri,se cka eshte namazi per ty,pse je i obliguar me te,cka eshte agjerimi,dhe pse je i oblikuar me te etj etj..sepse iperativi i pare Islam eshte IKRE-lexo,studio...Qe kur te perballesh me te tjeret,t'u "cajsh ballin" me argumente,se injorant dhe musliman nuk vlen fare,kjo te ben te bijesh ndesh me iperativin e pare Islam!..
FreeComent më 12 October, 2009 12:33:25
avatar
E pranoj, di shume pak per Islamin nese matem me ate qe duhet ta dije nje mysliman i mire dhe i devotshem, qe pa dyshim jeni ju "Velija"... por kohen e kam ndare per te mesuar mesimin me te vlefshem qe duhet ta dij cdo turk, arab, jahudi, romak.....shqiptar - para fese vjen kombi. Kete mesazh u perpoqa ta percjelli deri tek ju, por me sa e shoh, prej moti dikush ua paska "ca ballin", keshtu qe ato te cilat ua thone te tjeret, u hyjne nga nje vrime e ju dalin nga tjetra. Sepse, gabimisht i keni kuptuar fjalen e para te Kura'anit "Lexo, meso, studio"...por shpresoj se do te keni me shume kohe per te mesuar dhe per gjykuar drejt (e jo paragjykuar), ne te ardhmen. Zoti te ndihmoft ne kete kerkim.
Velija më 14 October, 2009 12:03:14
avatar
I nderuar vec se je ka e verteton ate qe te thash ne komentin e me siperm,se ke nje botekuptim me perplot mbeturina te sistemit te kalur,duke vazhduar qe edhe te ndajsh kombin nga feja.Kjo dukuri mund te ndodhe,ndoshta ne cdo fe tjeter po jo ne Islam.Une nuk di me mire te ta shtjelloj kete pos me fjalet e dietarit te Ballkanit Jakup Asipit,veni re i nderuar,kete steriotip se kush eshte paresore feja apo kombi e hasim te nje numer i konsiderueshem i shqiptarve,por te jeni te bindur se asnje pjestar i asnje populli ne bote as qe u shkon nder mend te bejn kete pyetje.Jakup Asipi,All-llahu e meshiroft ne lidhje me kete thonte eshte turp te parashtrohet si pyetje e aq me pak te jete teme debati,se cila eshte paresore feja apo kombi,keto nuk ndahen sepse jane nje,te pakten keshtu eshte ne Islamin tone madheshtor,por perseri dietari i nderuar keshillonte, nese insistohet nga ata qe trurin e kane te dermuar nga erera te ndryshme,qe te nxjer dicka nga ju ne lidhje me kete,ateher nuk ngelen qe tjeter vec se pyetjes se tij t'ja ketheni me nje pyetje nga ju,le te tregon ai se cilit nacionalitet i ka takuar Ademi a.s njeriu i pare,babai i njerzimit...
I nderuar duhet te kesh edhe dicka parasysh,se nuk jame duke u shitur tek ti si devotshem etj..ate e din vetem Ai,Krijuesi i gjithckaje,njohesi i te fshehures dhe te dukshmes.Une per kete shkalle te vlersimit qe po ma bene mua ne kete koment tendin edhe pse me ironi,une te jame mirnjohes dhe inshallah jame prej te devoteshmit edhe tek Zoti,po kete une ta deshiroj edhe ti vec se dije se po e kame nga thellsia e zemres dhe jo me ironi.
E perfundoj me nje hadith te Muhamedit a.s"Nuk ka besuar ai,i cili ate qe ja deshiron vetes,nuk ja deshiron edhe vllaut te tij"...
FreeComent më 15 October, 2009 05:11:17
avatar
Qe te dy kemi te drejte pjeserisht!Por ndoshta hendeku qe i ndan keto dy te verteta eshte i gjere per tu kapercyer.
Edhe une jam qe ta mbyllim replikimin, me dicka me te thjeshte dhe me te adaptueshme me kete faqe ku shkruajm - Zoti i dhent shendet Kim Mehmetit dhe te gjithe dijetarve te tjere, te cilet kane lene dhe jane duke lene gjurme te dijes ne rrugen e tyre. Ata qe vijne pas nesh, me siguri do ta kene shume me lehte per te shikuar drejt te ardhmes, pa e harruar te kaluaren, e cila (besoj ne kete pike pajtohesh edhe ti) ka qene jo vetem sfiduese, por edhe e eger me shqiptaret....Mos te harroj, ishalla, shpejt e pranojne pavaresine e Kosoves edhe Konfederata Arabe, veprim i cili mbase do te mi ndryshonte disa bindje te mia...e deri atehere, Paqja e Zotit qofte me ty.

Ps
Pjesen e devotshmerise, ne shkrimin me larte, nuk e kam thene me ironi.(Mos i paragjykoni njerzit... - edhe kjo eshte fjali e nje thenieje te Muhamedit a.s)
Bleona më 30 October, 2009 05:21:20
avatar
Per free coment dhe velija!!Un mendoj kështu,derisa Zoti është faktori i vetëm që gjykon le ta lëmë Zotin të na gjykoj neve,pse ta gjykojmë njëri tjetrin!Nuk është aspak e hijshme!!Kush do le të jetë musliman kushto le ti takoj një feje tjetër!Feja nuk guxon të politizohet!Atë e bëjnë katërkëmbëshat e Karpateve po jo ne!Është trend botëror të demonizohet Islami po duke e vën veten në pozitë mbrojtëse muslimanët vetëm e justifikojnë atë për të cilën akuzohen!Feja është përjetim shpirtëror e Yoti është forcë madhore që ka në dorë gjithçka!Pra le ta bëjë ai të veten e ne ta bëjmë atë që kemi ne në duar!!Selam!

Dërgoni komentin comment

Shkruani kodin e fotos:

  • email Email mikut
  • print Verzioni print
  • Plain text Tekst i thjeshtë
Tag
Ska asnjë tag
Votoni këtë tekst
4.00
Tjera nga Analiza
Previous
image
Të grumbullojmë para që të blejmë vetveten!
Në Shqipëri u privatizua dhe u shit çdo gjë që ishte pronë publike, u nxor në treg e tërë ajo që mund të shitej e ...
image
Poshtë sunduesi – rroftë vasali !
  Shqiptarët e Maqedonisë janë të durueshëm dhe popull mirënjohës. Ata edhe të mirën edhe të keqen e vuajnë në vetvete. Andaj edhe protestat e tyre ...
image
Frikën që jetuam dhe frika me të cilën jetojmë
Shkruan:Kim MEHMETI Në vitet e socializmit, kur në Kosovë zhvillohej diferencimi i egër, nëpërmjet të cilit Beogradi i ndante shqiptarët në “të ndershëm” dhe “destrukivë”, sa ...
image
Arkëza e rrëfimeve sekrete
Shkruan: Kim MEHMETI Në dhomën time të punës, në një nga raftet me libra, me vite qëndronte një arkëz ku ruaja “eksponatet” nga kohët e fëmijërisë ...
image
POPULLI I PARTISË
Apo, kush nuk u beson pohimeve të lartpërmendura, le të marrë listat e gjithë të zgjedhurve partiakë që kanë mbushur institucionet e pakta shqiptare dhe ato shtetërore, të atyre që janë bërë pjesëtarë të këshillave dhe vendosin për fatin kolektiv, e le të tregojë sipas cilit kriter është bërë zgjedhja e tyre....
image
Jo poste, por pozita
Kim Mehmeti   E kaluara ka dhënë shumë prova çka u ndodh popujve që kanë politikanë të paaftë, por askush nuk ia ka dalë të shpjegojë se ...
image
Ngjyrat etnike të botës
  Shkruan:Kim MEHMETI Sa u përket shqiptarëve, atyre duhet thënë se cilado parti e tyre t’i fitojë këto zgjedhje dhe pa marrë parasysh se me cilën parti ...
image
Njeriu si numër i thjeshtë
Shkruan:Kim MEHMETI Kaloi një vit nga tragjedia e Radushës, fshat në afërsi të Shkupit, ku policia maqedonase ekzekutoi katër shqiptarë. Ndër të ekzekutuarit ishte edhe Harun ...
image
Njeriu si numër i thjeshtë
Shkruan: Kim MEHMETI Kaloi një vit nga tragjedia e Radushës, fshat në afërsi të Shkupit, ku policia maqedonase ekzekutoi katër shqiptarë. Ndër të ekzekutuarit ishte ...
image
BDI-ja, mundësi e harxhuar
Nga Kim Mehmeti Në hapësirat shqiptare kryesisht dominojnë dy grupe politikanësh: ata të paktët që e kanë kuptuar se, po dite ta përdorësh, politika është shërbëtore ...
Next